Asturias Verde

PORTADA
NOTICIAS
- Noticias ambientales
- Océanos
- Asturias
- Cordillera Cantábrica
- Oviedo y comarca
- Gijón y Villaviciosa
- Comarca de Avilés
- Cabo Peñes
TEMAS y REPORTAJES
ANIMALES
OPINIÓN
AGENDA
RADIO
FOROS
DIRECCIONES
JUEGOS
COLABORE con NOSOTROS

ARTÍCULOS RELACIONADOS:

Izquierda Asturiana da por rotas las conversaciones electorales con Los Verdes

La formación de izquierda asturianista denuncia el doble discurso de IU que dice poner condiciones "irrenunciables" para formar gobierno con el PSOE en 2007 a la vez que ofrece a Los Verdes puestos y cargos en el gobierno

13-Noviembre-2006 Nota de prensa de Izquierda Asturiana (IAs)

La Dirección Nacional d’Izquierda Asturiana, aconceyada n’Uviéu el vienres 10 de payares, trató nel so orde del día el procesu de conversaciones con Andecha Astur y Los Verdes d’Asturies empobinaes a algamar un alcuerdu electoral pa les elecciones autonómiques y municipales de mayu de 2007. Depués del informe preceptivu de la comisión negociadora y el debate posterior, aprobó por unanimidá facer esta declaración:

- Izquierda Asturiana (IAS) da por rotes les conversaciones con Los Verdes d’Asturies (LVA), yá qu’esti partíu ta negociando a un tiempu un alcuerdu electoral con IU-BA, alcuerdu nel que lo que se ta negociando son los puestos qu’IU va ufrir nel nuevu gobiernu de coalición col PSOE que tien pensao formar depués de les elecciones de 2007. Neses condiciones, Izquierda Asturiana (IAS) entiende que nun ye creible tar negociando la construcción d’un polu alternativu a les polítiques del actual gobiernu y al mesmu tiempu negociar la participación, anque seya les migayes, nesi mesmu gobiernu.

- Izquierda Asturiana (IAS) sorraya otra vuelta la hipocresía de la dirección d’Izquierda Unida (IU), yá qu’esta formación vuelve a falar, como va cuatro años, de condiciones irrenunciables pa reeditar la coalición col PSOE, y al mesmu tiempu negocia con otres fuercies vendiendo cargos nel futuru gobiernu del Principáu, rescamplando asina la so voluntá rial de volver a formar parte del mesmu independientemente de les condiciones del mesmu.

D’otru llau, la Dirección Nacional d’IAS quier perafitase na so postura pa les elecciones de 2007, sorrayando la necesidá d’una candidatura unitaria de la esquierda verde y asturianista que trascienda les llendes de les organizaciones polítiques que la conformen. El VII Alcuentru Nacional d’Izquierda Asturiana, a celebrar esti mesmu mes, va ser el foru onde la militancia del nuestru partíu tome la decisión definitiva sobre les elecciones.

Izquierda Asturiana (IAS)

¿MÁS INFORMACIÓN?
Reciba más información de actos, iniciativas y actualidad sobre medio ambiente, calidad de vida y patrimonio histórico