Andecha solicita ampliar l’horariu la biblioteca en periodu d’esámenes

Andecha Carreño solicitó na Comisión de Cultura del pasáu martes, 24 d’Abril, que la biblioteca de Candás amplíe’l so horario durante la época d’esámenes, los meses de mayu y xunu

25-Abril-2007 Nota de prensa de Andecha Carreño

La propuesta féxose tras recibir Andecha numberoses quexes de los estudiantes del Conceyu, que n’época d’esámenes necesiten ampliar el tiempu d’estudiu, polo que munchos acaben por desplazase al conceyu de Xixón, cola incomodidá y pérdida de tiempu qu’ello supón. L’ampliación d'horario ye una apuesta por atender les necesidaes de los estudiantes del Conceyu, quienes habíen solicitao en ocasiones anteriores esti serviciu estraordinario.

La propuesta realizada por Andecha Carreño contempla l’ampliación de l’apertura de la biblioteca n’horariu nocturnu asina como l’apertura en sábados y festivos, y el serviciu que s’ofrecerá será esclusivamente la llectura en sala y la consulta del catálogu (no préstamo).
Esta ye una propuesta que ya se trató en Comisión de Cultura fai dos años, pero que finalmente non llegó a materializase.

La Comisión de Cultura alcordó pidir un informe a la responsable del serviciu de la biblioteca, col fin de qu’aporte la so opinión y les condiciones en qu’ella entiende que tendría que dase’l serviciu.

Andecha Carreño

Agregue esta noticia. Marcadores sociales