Manifiesto del Conceyu contra la línea de alta tensión Soto Ribera - Penagos

MANIFIESTU Conceyu contra la llinia Soto Ribera-Penagos
Conceyu contra la llinia Soto Ribera-Penagos
Aportaciones solidaries col Conceyu a la cuenta:
2048-0074-12- 0340017777
Caxastur

7-Junio-2007 Manifiesto de las organizaciones firmantes

MANIFIESTU

Les organizaciones abaxo firmantes, énte les irregularidaes, l’impactu socioeconómicu y ambiental y el despropósitu políticu que se conxuguen nel Proyectu de la llinia Soto Ribera a Penagos de 400 KV, de lo que tán siendo cómplices el Principáu d’Asturies y dellos municipios asturianos, decidieren crear el Conceyu contra la llinia Soto Ribera a Penagos.

Esti Conceyu naz col envís d’oponese a esi proyectu interponiendo les aiciones llegales que seyan procedentes pa paralizar la llinia, que sigue’l so cursu alministrativu a pesar de la falta de fundamentu llegal y el so fuerte impactu nuna zona onde yá hai otres dos llinies de 200 KV.

Les llinies d’alta tensión suponen fuertes impactos que podríemos resumir:

A la salú de los sos colindantes polos campos electromagnéticos.
Al paisaxe, coles torretes y cables.
Aumenten significativamente’l riesgu de quemes (como se demostró l’otru añu en Businde).
Xenera servidumes a les tierres y reducen el valor de les finques peles que pasen.
Asturies yá dispón de 7 interconexones autonómiques, 4 con Cantabria y 3 con Llión, per onde evacuamos les nueses esportaciones eléctriques, ensin tener problema nengún de saturación, como reconoz Red Eléctrica Española na so memoria. Esti proyectu lleva camín de 20 años y nesti tiempu pasamos de producir 14.000 Mw/h a 24.000 Mw/h esportando 2/3 partes ensin tener problema nengún de falta o insuficiencia de comunicación interrexonal, lo que demuestra la falta de necesidá d’esta llinia. La xida pa facela son los proyectos de más centrales térmiques n’Asturies, un grave atentáu medioambiental pola gran cantidá d’emisiones que van producir nuna comunidá que yá ye la más contaminada d’España, col consiguiente perxuiciu pa la salú de los asturianos; son proyectos qu’amás van contribuir a agravar el cambéu climáticu y tán en contra de los compromisos asumíos pol Gobiernu español con respecto al Protocolu de Quioto y a les llinies d’actuación aprobaes pol Ministeriu d’Industria.

- La llinia orixinal nun se parez gota a la construida o proyectada nel casu de delles variantes, polo que nos camentamos que ye necesariu un estudiu ambiental completu d’esta, acordies col actual marcu llegal, y non estudios estremaos pa les variantes tramitaes, como se fixo.
-Tampoco nun s’atendió, nin siquiera se respuende, a les alegaciones formulaes, infrinxendo la lexislación sobre’l derechu a la participación del públicu n’asuntos medioambientales. Y ye qu’atalantamos, y considera la Llei, que la xente daqué tien que dicir al respective de proyectos como esti, qu’afecten directamente a la so salú y los sos bienes.
- Los convenios suscritos por dalgunos Conceyos Asturianos son al nuesu xuiciu irregulares y nun defenden l’interés xeneral.
Vamos tener coordinación colos conceyos (Penagos, Castañeda, Cabezón) y les asociaciones cántabres que tamién trabayen con esta llinia, pa llograr el nuesu oxetivu.

Conceyu contra la llinia Soto Ribera-Penagos

Vecinos de Nava, Vecinos de Piloña
Coordinadora Ecoloxista d’Asturies
Colectivo Ecologista de Avilés
Grupo Estudio y Recuperación Espacios Naturales- Green
Asociación Medioambiental la Cirigueña
Asturianistes por Nava
Izquierda Asturiana- IAS
Los Verdes

Agregue esta noticia. Marcadores sociales