|
|
||||
ARTÍCULOS RELACIONADOS: Andecha Astur de Carreño rechaza la creyación d'una ZALIA en Quimarán 13-Marzo-2007 Andecha Astur de Carreño muestra’l so rechazu frontal y rotundu a la posibilidá d’istalar una ZALIA (Zona d’Actividaes Lloxístiques ya Industriales) en QuimaránDe parque ejemplar a parking para los coches de los veraneantes 18-Febrero-2007 Así lo han decidio los hosteleros, comerciantes y el Ayuntamiento de Carreño. Se propone sacrificar el prau de Gervasia o campa de los cañones, dentro del parque se San Antonio, como una de las soluciones al problema de los aparcamientos en la cada vez más villa y cada día menos marinera Candás Propuestes d'Andecha Astur pa meyorar l'apacamientu en Candás 16-Febrero-2007 Andecha Astur de Carreño cellebró na tarde del llunes 12 una reunión con representantes de l’Asociación d’Hostelería y de Comerciantes de Carreño, onde se trató la problemática pola falta de places d’aparcamientu en Candás |
Andecha Astur de Carreño rechaza la propuesta d’aparcar en Gervasia Andecha Astur, como ya comunicó'l día 12 de Febreru, en la reunión que mantuvo con representantes de la l’Asociación d’Hostelería y del Comercio de Carreño, rechaza la propuesta d'aparcar nel Prau de Gervasia 13-Marzo-2007 Nota de prensa de Andecha Astur de Carreño |
 Parque de San Antonio y prau de la Gervasia
|
||
|
||||
|
Andecha considera que non se puede renunciar a la zona verde más importante y estensa de Candás, mui utilizada en veranu por vecinos y visitantes y entiende que tienen que buscase otres opciones. Entendemos qu'esta ye una de les zones más atractives de Candás pal paséu, y que tien que mostrase a tolos visitantes nes meyores condiciones. Si pa qu’aparquen los coches, tenemos que renunciar a esos espacios que como’l prau de Gervasia, vienen buscando los visitantes, tamos faciéndo-y un flacu favor al turismu en Carreño. Poro, anque Andecha Astur ta d’alcuerdu colos otros cuatro puntos de la Moción (accesu a aparcamientu del Molín dende Promadonga, buscar posibles places non usades, Policía Llocal orientativa y reunión con Bonet), non apoyará la Moción que se llevará al Plenu d'esti mes, y mantendrá les propuestes que ya trasladó a los representantes de l’asociación d’Hostelería y Comercio de Candás, y que consisten en: • Aumentar aparcamientu de Palmera, cubriéndolo ya integrándolo na lladera del monte Fuxa. Andecha Astur presentó alegaciones al proyeutu de reforma de la fachada marítima solicitando la meyora d’esti aparcamientu. Les alegaciones presentámosles n’Abril de 2006, y tovía non recibimos contestación por parte del Delegáu del Gobiernu, Sr Trevín. Diría incluido nel proyeutu de reforma de la fachada marítima, y podría tar fecho pal comienzo del branu. • Mantener aparcamientu de 1u Mayu, buscando nueva ubicación pa les viviendes sociales. Entendemos que ye prioritario mantener esti aparcamientu pa evitar que la situación s’agrave más tovía • Estudiar la posibilidá de delimitar una zona na esplanada del muelle p'aparcamientu. Andecha Astur va estudiar esta propuesta, a pitición de l'Asociación de Comerciantes y Hosteleros, siempre y cuando se respeten les condiciones puestes por Andecha: de tal manera que non interfiera ni presente peligro pa los paseantes, se respeten les terraces del muelle, y non entorpezca les llabores pesqueres. • Eliminar la raya mariella de toes aquelles zones onde non seya necesaria, al non interrumpir el tráficu los posibles vehículos estacionaos. • Modificar tráficu al comienzo de la c/ Braulio Busto, dende C/Costitución hasta Calleja Nolo (a l'altura d'heladería), permitiendo un únicu sentíu de circulación (entrando por C/Costitución) y con posibilidá d'aparcar nos dos llaos, onde se pueda. Tamién s’habilitaría una zona específica pa carga y descarga, en C/Costitución. • Aparcar nos dos llaos na C/ Pardies, como ya se fai en díes de fiesta y non se creen problemes de circulación, o buscar una nueva disposición de los aparcamientos, en forma de batería. • Habilitar como zona d’aparcamientu los terrenos averaos al Colexu Poeta Antón, con pase rodáu por C/Pepe La Mata y peatonal por C/ San Antonio. • Crear un accesu al aparcamientu del Molín por Pedro Braña o Promadonga (al llau del Apeaderu). • Crear zona d’aparcamientu na futura ampliación del parque Santaruga. (PERI d’Albo) • Crear zona d’aparcamientu na futura urbanización prevista entre la C / Zapardel y Palomares. Dende Andecha Astur de Carreño, tamos convencidos que ye imprescindible mantener, protexer y apoyar al Pequeñu Comerciu y la hostelería, como parte imprescindible pa la propia esistencia de los pueblos, y pa evitar lo que dende fai años tamos viendo: que Candás se convierta nuna ciudá dormitoriu. Santiago Artime Vídeo: Prau de la Gervasia
|
||||
¿MÁS INFORMACIÓN? |
||||
| ; | ||||
 Asturias Verde está bajo una licencia de Creative Commons. Más datos en el vínculo de la licencia |
||||
|
||||
