UNIDÁ denuncia la tala d'una encina en Les Veges

UNIDÁ denuncia la tala d’una especie protexida en Les Vegues. La coalición política denuncia "los intereses urbanísticos contrapuestos a la llegalidá son otra vuelta protagonistes en Corvera"

25-Septiembre-2007 Nota de prensa de UNIDA

Nesta ocasión la protagonista ye la tala illegal d’una encina en Les Vegues, siendo esta una especie protexida d’interés especial y pa la qu’existe una normativa específica.

UNIDÁ yá denunció nel so momentu, principios d’agostu, nel Ayuntamientu de Corvera y na Conseyería de Mediu Ambiente la colocación d’un cartel que daba anuncia del entamu de les obres, nuna promoción de Proyecto Inmobiliaria y l’Agencia Ayalga. UNIDÁ denunció que nun se puede desenvolver ninguna actividá urbanística na zona pol alcontrase nella una especie protexida, amás de la Casona de los Py, pentiende de catalogación patrimoñal y la ubicación d’un molín nel so entornu.

En vista de los problemes que-yos pudiere ocasionar, dellos operarios entamaron la tala de la encina, de la que se calcula que tien más de sieglu y mediu y un altor de 15 metros, too ello ensin permisu del conceyu.

Dende UNIDÁ pídense explicaciones a los responsables del conceyu que, tanto avisaos con un mes d’antelación de lo que podía pasar, nun ficieron nada pa parar esta agresión al patrimoñu del conceyu. D’otru llau, emprenderánse acciones xudiciales contra los autores d’esti atentáu medioambiental, amás de pidir al Conceyu de Corvera que un conceda nenguna llicencia urbanística nel sola de l’avenida Principado 29 hasta que nun se diriman responsabilidaes y responsables.

Nun ye la primer vez que se dan actuaciones asemeyaes rellaciones con intereses urbanisticos nel conceyu de Corvera. Ehí ta’l derribu d’una casa mariña y posterior incendiu d’una panera en Los Campos, l’incendiu prevocáu nuna ganadería en Truyés o el derribu d’otra casa mariñana en Roves (Tresona). Pa UNIDÁ les autoridaes alministratives son corresponsables por nun actuar de forma contundente contra los autores d’estes acciones.

UNIDÁ

Agregue esta noticia. Marcadores sociales