Artículos relacionados

La dimisión de Ana Cano síntoma de la política cultural en Asturias 26-Junio-2008 Unidá Nacionalista Asturiana califica de “vuelta a las cavernas” la eliminación de los estudios de asturiano en Filología. La federación nacionalista condenó, a través de les declaraciones de su portavoz Faustino Zapico, lo que denominó “un atraco a la sociedad asturiana” y mostró su apoyo a Ana Cano. La hasta ahora decana de Filología Ana Cano anunció su dimisión el martes tras la decisión de la propia Junta de Facultad de aprobar una enmienda en la que se suprime el Asturiano como asignatura
UNIDÁ denuncia que les obres de Fuensanta nun tienen nenguna autorización 15-Junio-2008 Depués de delles indagaciones y énte’l silenciu del Ayuntamiento de Nava, la coalición UNIDÁ decidió denunciar los fechos énte la Conseyería de Mediuambiente, pola mor del gran impactu de la obra pa la flora y fauna; asina como énte la Confederación Hidrográfica por entender que se ta faciendo usu indebíu del agua del ríu

Concentración de sofitu a los estudiantes encerraos nel edificio hestóricu de la Universidá d'Uvieu

-Concentración de apoyo a los estudiantes encerrados en el edificio histórico de la Universidad de Oviedo-
La Xunta pola Defensa de la Llingua Asturiana, y la so estaya de Mocedá Xunta Moza, decidió esta mañana convocar una concentración de sofitu a los estudiantes encerraos nel Edificiu Hestóricu del Rectoráu de la Universidá d’Uviéu. La concentración va ser esti martes día 1 de xunetu a les 12:45 hores, delantre del propiu edificiu del Rectoráu.

20-Junio-2008 Xunta pola Defensa de la Llingua Asturiana

La Xunta pola Defensa de la Llingua Asturiana, y la so estaya de mocedá Xunta Moza, decidió esta mañana convocar una concentración de sofitu a los estudiantes encerraos nel edificiu hestóricu del Rectoráu de la Universidá d’Uviéu. La concentración va ser esti martes día 1 de xunetu a les 12:45 hores, delantre del propiu edificiu del Rectoráu, y ta entamada en coordinación colos estudiantes encerraos nesi sitiu. La movilización ye un actu de protesta pa desixir la equiparación del asturianu al restu de llingües nos estudios de la facultá de filoloxía, refugando la retrogada decisión del martes pasáu qu'eliminaba la llingua asturiana de la estructura d’estudios de la mencionada facultá.

Cola concentración los estudiantes encerraos y la Xunta quieren mandar un mensaxe claru, l’encierru nun va acabar hasta que l’equipu rectoral nun amuese una postura clara en defensa de la Filoloxía asturiana, y garantice que l'asturianu va tener unos estudios al nivel de les demás llingües. Esti encierru y la concentración nun son más que l’entamu d’una riestra de movilizaciones, amosando asina, tanto los estudiantes como la Xunta pola Defensa de la Llingua Asturiana, la so intención de caltener la presión sobre’l Rector Vicente Gotor pa que plantegue una solución a esti problema.

Nesti sen, los encerraos tán en contactu permanente col equipu rectoral llideráu por Vicente Gotor. Frutu d'esti contactu ye qu'encerraos y rector van tener esti llunes día 30 pela mañana una reunión pa buscar una salida a esta situación. Otra manera, los estudiantes encerraos quieren agradecer la montonera de mensaxes de sofitu que tán recibiendo, tanto personales como d’organizaciones de tou tipu, y que los anima a siguir con esta protesta el tiempu que faiga falta. Piden a la xente qu’acudan a la concentración del martes qu’entra como muestra d’una sociedá asturiana que nun entiende nin acepta qu'un piñu de profesores decida facer desapaecer l’asturianu de la Universidá d'Asturies. Pola so parte la Xunta anima a los asturianos y asturianes a pasar pel edificiu hestóricu del Rectoráu de la Universidá n’Uviéu pa dar aliendu y ánimu a los encerraos.

Xunta pola Defensa de la Llingua Asturiana.

Agregue esta noticia. Marcadores sociales