Vídeo noticias de Asturias Verde 

Visitantes desde 11 Oct 2017
Free counters!

 

Iniciativa pol Asturianu felicita a los diputaos que prometieron el cargu n’asturianu nel Congresu los Diputaos
13-Enero-2015 Fuente: Nota de prensa de Iniciativa pol Asturianu.

Güei dos diputaos escoyíos en representación de los asturianos y les asturianes, prometieron el so cargu de diputaos nel Congresu, usando la llingua asturiana. Dende Iniciativa pol Asturianu queremos felicitar a Sofía Castañón y Segundo González por facer sonar la llingua asturiana nel parllamentu estatal, nel que les llingües diferentes del castellán nunca son bien recibíes, como pudo vese en numberoses ocasiones con llingües oficiales.

Esti xestu permite da-y visibilidá a la realidá llingüística d'Asturies nel ámbitu estatal y poner sobre la mesa política del Estáu, la necesidá de da-y una solución en plena igualdá llegal col restu de les llingües d'España, al usu del asturianu.

A estos dos diputaos, y al restu de los que representen a Asturies nel Congresu y el Senáu que güei entamaron les sos sesiones, pidímos-yos que trabayen por un consensu que xenere les necesaries reformes, n'Asturies y en Madrid, pa da-y a la llingua asturiana l'estatus d'oficialidá que yá tienen dende va más de trenta años les demás llingües del estáu. Pueden amás trabayase pasos alantre en cuestiones nes que la falta d'oficialidá nun ye una torga absoluta, como l'usu y la promoción del asturianu per parte de les instituciones del estáu central.

Dende Iniciativa pol Asturianu esperamos qu'esta llexislatura signifique un tiempu de pasos alantre pal asturianu tamién nel ámbitu del Gobiernu d'España, que si bien nun ye'l primer responsable del idioma (a esi hai que buscalu nel Gobiernu d'Asturies), sí que tien un ampliu marxe pa tomar midíes que meyoren la situación del idioma.

Castellano

Iniciativa pol Asturianu felicita a los diputados que prometieron el cargo en asturiano en el Congreso de los Diputados

Hoy dos diputados escogidos en representación de los asturianos y las asturianas, han prometido su cargo de diputados en el Congreso, usando la lengua asturiana. Desde Iniciativa pol Asturianu queremos felicitar a Sofía Castañón y Segundo González por hacer sonar lengua asturiana en el parlamento estatal, en el que las lenguas diferentes del castellano nunca son bien recibidas, como ha podido verse en numerosas ocasiones con lenguas oficiales.

Este gesto permite darle visibilidad a la realidad lingüística de Asturies en el ámbito estatal y poner sobre la mesa política del Estado, la necesidad de darle una solución en plena igualdad legal con el resto de las lenguas de España, al uso del asturiano.

A estos dos diputados, y al resto que representan a Asturies en el Congreso y el Senado que hoy han comenzado sus sesiones, les pedimos que trabajen por un consenso que genere las necesarias reformas, en Asturies y en Madrid, para darle a la lengua asturiana el estatus de oficialidad que ya tienen desde hace más de treinta años las demás lenguas del estado. Pueden además trabajarse pasos adelante en cuestiones en las que la falta de oficialidad no es un obstáculo absoluto, como la utilización y la promoción del asturiano por parte de las instituciones del estado central.

Desde Iniciativa pol Asturianu esperamos que esta legislatura signifique un tiempo de pasos adelante para el asturiano también en el ámbito del Gobierno de España, que si bien no es el primer responsable del idioma (a ese hay que buscarlo en el Gobiernu d’Asturies), sí que tiene un amplio margen para tomar medidas que mejoren la situación del idioma.


Artículos y temas relacionados

Sección noticias de Asturias

AsturiasVerde.com
Obra bajo una licencia de Creative Commons. Más datos en el vínculo de la licencia. Política de Cookies
Editor:
Antonio R. Dosantos. Contacto: C/ Carlos Albo 24 - 4ºB. 33430/Candás, Asturias. Tlf. 619538534.
redaccion@asturiasverde.com