11.GIF (4832 bytes)  1greenlogo2.gif (1392 bytes)Asturias Verde Año 2004

logo2.gif (688 bytes) NOTICIAS Ambientales y de Asturias

logo2.gif (688 bytes) NOTICIAS Oviedo y comarca

logo2.gif (688 bytes) NOTICIAS Gijón y Villaviciosa

logo2.gif (688 bytes) NOTICIAS Comarca de Avilés

logo2.gif (688 bytes) NOTICIAS  del Cabo Peñes

logo2.gif (688 bytes) NOTICIAS Océanos

logo2.gif (688 bytes) HEMEROTECA

logo2.gif (688 bytes) TEMAS

logo2.gif (688 bytes) ANIMALES

logo2.gif (688 bytes) RADIO

logo2.gif (688 bytes) OPINIÓN

logo2.gif (688 bytes) AGENDA

logo2.gif (688 bytes) FOROS

logo2.gif (688 bytes) DIRECCIONES

logo2.gif (688 bytes) JUEGOS

logo2.gif (688 bytes) COLABORE CON NOSOTROS

lectora.gif (4377 bytes)

ARTÍCULOS RELACIONADOS:

 

OPINIÓN:

REUNIÓN CONSEYU DEL FUEU

Resumen del ultimo Conseyu del Fuego de Asturies

27-Octubre-2004 Por Raúl Díaz Prendes y José Manuel Lago Méndez, representantes de les Organizaciones Ecoloxistes d’Asturies nel Conseyu del Fueu


incendio2.jpg (16474 bytes)

El caberu día 27 d’ochobre tuvo llugar un nuevu aconceyamientu del Conseyu del Fueu, que nun dio muncho de sí al tar l’orden del día basáu prauticamente nos informes de la Conseyeria de Xusticia al respective los datos de los fueos forestales qu’hebio n’Asturies en tou el 2004 en comparanza colos de los caberos 13 años. Lo que sí s’afitó con estes cifres ye que aumenten d’añu n’añu el númberu de fueos y a la escontra amenórguense’l númberu d’hectaries quemaes en caún dellos. Lo uno polo otro, al final la superficie amburada al cabu l’añu ye más o menos la mesma, poro qu’afitase otra vegada que la infraestructura d’estinción furrula razonablemente bien y a la escontra la de prevención ye otra vuelta un rotundu fracasu.

Como ya vos ficimos anuncia nun anterior comunicau, ta furrulando dientro del Conseyu del Fueu una Comisión de Trabayu pa ellaborar un documento de propuestes que mos aiden a lluchar escontra la plaga de los fueos al traviés de reformes llexislatives y actuaciones concretes de l’Alministración (coles correspondientes dotaciones presupuestaries), que dempués el Conseyeru de Xusticia, Sr. Valledor, comprometiose a traslladales al Conseyu de Gobiernu pa qu’entamen a furrular. Esta Comisión de Trabayu caltuvu un conceyu pa constituyise, nel que les organizaciones ecoloxistes presentamos un documentu que nel so día ellaboramos y que ya te ficimos llegar (tamien lu tienes escolingau na páxina web de la Coordinadora Ecoloxista: www.ecoloxista.org ), entavia ye un documentu abiertu a nueves propuestes porque detectamos delles deficiencies n’él, por exemplu,, tamos escosos d’un plan de collaboración, concenciación y educación ambiental específicamente dirixiu a los habitantes del mundu rural, los paisanos y paisanes, y con más enfotu a los neños y neñes y mocedá de colexos ya institutos, col envís de conocer lo que piensen al rodiu del fueu y la mena d’atayalos, poro, agradeceríamos a toos y toes que tengais esperiencia nestos temes que mos apurriereis idees, quedando un dia, o los que faigan falta, pa trabajar esti asuntu.

La Comisión tiene previstu caltener conceyos quincenales cola intención d’acabar el documentu de cara al prósimu plenu del Conseyu del Fueu a cellebrar nel mes de xunu de 2.005, que sedrá quien apruebe definitivamente diches propuestes que s’incluyirán nos presupuestos y reformes llexislatives de 2.006.

Un candial saludu de Raúl Díaz Prendes y José Manuel Lago Méndez, representantes de les Organizaciones Ecoloxistes d’Asturies nel Conseyu del Fueu.

¿MÁS INFORMACIÓN?

Reciba más información sobre actividades, actos, actualidad ambiental, calidad de vida y patrimonio histórico. Suscríbase a Asturias Verde

Suscríbase a Asturias Verde

informado.gif (5314 bytes)

Powered by es.groups.yahoo.comYahoo! Grupos

11.GIF (4832 bytes)  1greenlogo2.gif (1392 bytes)Asturias Verde