Asturias Verde
NOTICIAS - PLANETA - OCÉANOS - MONTAÑAS - ASTURIAS - OVIEDO - GIJÓN - AVILÉS - CARREÑO - GOZÓN - VILLAVICIOSA
EnVerde.NET Radio CandasTV.com Blog Asturias Verde Animales Opinión Agenda Donativos y contacto
 


Artículos relacionados
Se inician las obras de reforma de la fachada costera de Candás 15-Diciembre-2007 Al final la obra no incluye la recuperación ambiental de la bahía de Perán, que se pospone sin fecha. Las obras tienen un plazo de ejecución de 8 meses, por lo que se supone que se estará trabajando en la fachada costera en los meses del veraneo
El Partido Popular de Carreño denuncia los retrasos e incumplimientos en las obras del Paseo Marítimo 5-Noviembre-2007 Por más que el Grupo Municipal Popular ha pedido y exigido al gobierno municipal socialista de Carreño información sobre las obras de reforma del Paseo Marítimo de Candás la respuesta siempre ha sido la misma, "no hay noticias"
Propuestes de UNIDÁ - Andecha Carreño pa les ordenances fiscales pal añu 2008. 5-Noviembre-2007 UNIDÁ-Andecha Carreño, fizo delles propuestes pa incluir nes ordenances fiscales pal añu 2008, que foron aceutaes por PSOE, IU y Uras. Entendemos que les ordenances fiscales non tien que ser un meru documentu de recaudación d'impuestos, sinón que tienen que buscar oxetivos y sirvir como istrumento pa meyorar el Conceyu

UNIDÁ-Andecha Carreño rechaza la propuesta d'urbanización del paséu marítimu, presentada pola familia de los Pola

Esti proyeutu contempla baxar l'actual calzada 1 metro, soterrándola y xenerando aparcamientos; y desmontar el monte Fuxa, pa costruir a lo llargo del paséu marítimu un boulevar comercial y una llinia d’edificaciones y adosaos, dende Casa La Carioca hasta la subida pala Formiga por Perán

9-Enero-2008 Nota de prensa de UNIDÁ-Andecha Carreño


Paseo marítimo de Candás -Foto AsturiasVerde.com-

A mediaos del mes de Noviembre, aconceyaos l’arquitectu y el promotor d’esti proyeutu con miembros d’UNIDÁ-Andecha Carreño, trasladónos el so proyeutu de Reforma del paséu marítimu de Candás.

Esti proyeutu contempla baxar l'actual calzada 1 metro, soterrándola y xenerando aparcamientos; y desmontar el monte Fuxa, pa costruir a lo llargo del paséu marítimu un boulevar comercial y una llinia d’edificaciones y adosaos (dende Casa La Carioca hasta la subida pala Formiga por Perán), tralladando l’hotel Marsol dende’l so actual emplazamientu, pa colocalo n’horizontal a media lladera del monte.

Dende UNIDÁ-Andecha Carreño rechazamos totalmente esti proyeutu, por delles razones:

El beneficiu públicu pa los vecinos/es de Carreño non s’atopa por nengún llau (nel sieglu XXI, non ye válidu nin defendible eliminar una montaña col argumentu de que “da sombra a una playa”), y sin embargo toos podemos imaxinar la especulación enorme que significa un proyeutu urbanísticu d’esti calibre.

Traslada'l modelo urbanísticu y turísticu mediterraneu a la costa asturiana, un modelu destructivu, fracasáu y agotáu, que conduz a un turismu de mases, mui poco interesante dende criterios económicos y de sostenibilidá ambiental, y con gran impautu visual y paisaxísticu, que nos separa de los estándares de calidá turística que queremos pa Carreño. A 5 Km de Candás, na Urbanización de Peroño, tenemos un exemplu mui claru d’una actuación similar y que representa cuál ye’l modelu d’urbanismu que non queremos pa les nuestres costes.

Ye un proyeutu que ta a la escontra de la propia llei de Costes, y del POLA (Plan d’Ordenación del Llitoral Asturianu). Entendemos que ye un proyeutu que choca totalmente colos criterios urbanísticos qu'estes dos leyes proponen pa la costa Asturiana, y que polo tanto fáenlo inviable. Esperamos qu’estes leyes tan restrictives pa los vecinos, lo seyan tamién cuando se trata de grandes promotores y grandes proyeutos urbanísticos, y non pase como nel proyeutu de desmonte del Altu Aboño onde, pa facer viable'l proyeutu, s’anularon les protecciones qu’estes leyes proponen pa la costa.

Esti proyeutu non ye compatible col actual proyeutu de reforma del paséu marítimu, aceptáu por tolos grupos políticos del Ayuntamientu, cuyes obres ya tan llicitades y en marcha, y cuya paralización supondría grandes compensaciones económiques pa la empresa que ta actualmente faciendo estes obres de reforma, compensaciones que tendríemos que pagar con fondos públicos tolos asturianos y asturianes.

Rechazamos l’argumentu del bien públicu que supondría eliminar l’Hotel Marsol, puesto que l’impautu visual y paisaxísticu d’esta obra sería mayor que l’impautu que supón agora la presencia del Hotel. Recordamos que cuando fai 6 años se realizaron obres nel Hotel Marsol, esti edificiu taba fuera d’ordenación, y yera’l momentu d’entamar una negociación colos propietarios pa baxa-y l’altura o emplazalu n’otru llugar (como asina pidimos dende UNIDÁ-Andecha Carreño), y foi la negativa del equipu gobiernu del Ayuntamientu Carreño pa entamar estes negociaciones quien impidió buscar un nuevu emplazamientu pal hotel.

Hai maneres muncho menos agresives de consiguir aparcamientos nel paséu marítimu qu’una obra d’esta envergadura. Nel añu 2006, dende UNIDÁ-Andecha Carreño presentamos alegaciones a les obres del paséu marítimu pa consiguir aumentar l’aparcamientu de Palmera, cubriéndolo ya integrándolo na lladera del monte Fuxa. Les alegaciones presentámosles n’Abril de 2006, y tovía non recibimos contestación por parte del Delegáu del Gobiernu, anque’l proyeutu ya ta aprobáu y les obres tan llicitaes y en marcha.

Entendemos que l’aumentu de la zona de playa en Candás pasa por facer aportes d’arena a la playa de Palmera y por recuperar la Playa de Rebolleres, y non por destruir el monte Fuxa p'aumentar les hores de Sol na en Palmera.

Pa finar, dende UNIDÁ-Andecha Carreño preguntámonos si non será la necesidá d’acopio de materiales de rellenu pa la obra faraónica del Superpuertu del Musel, con grandes problemes técnicos y mediambientales pa conseguir esplotar canteres en zones cercanes, lo que lleva a plantegar el desmonte del Monte Fuxa, y a retirar millones de metros cúbicos de piedra de la lladera, qu’habría que depositar en dalgún llau, y que pola so cercanía diríen a les obres del Musel.

Santi Artime
Conceyal d’UNIDÁ-Andecha Carreño

Agregue esta noticia. Marcadores sociales

 

Áreas

 

 

¿MÁS INFORMACIÓN?

Lista de correo de GREENAsturias Verde

informado.gif (5314 bytes)

Powered by es.groups.yahoo.comYahoo! Grupos

Creative Commons License Asturias Verde está bajo una licencia de Creative Commons. Usted es libre de: copiar, distribuir y comunicar públicamente la obra y hacer obras derivadas, bajo la condición de reconocer los créditos de la obra. Más datos en el vínculo de la licencia
Asturias Verde
Edita: GREEN. "Grupo de Recuperación y Estudio de Espacios Naturales" Contacto: Apartado 22 CP:33430/Candás. Asturias
green@asturiasverde.com