Artículos relacionados

Las plantaciones de eucalipto de ENCE pierden el certificado ambiental FSC Las plantaciones de las empresas Norfor y Silvasur, ambas del Grupo ENCE, pierden su certificado FSC. El diseño de las plantaciones y la falta de integración de los aspectos de conservación de hábitat y especies son algunas de las razones de la suspensión
La Coordinadora Ecologista denuncia que el Gobierno Asturiano ha dejado de aplicar el plan de lucha contra incendios forestales La Coordinadora Ecologista de Asturias denuncia que el Gobierno del Principado ha dejado de aplicar desde hace meses el Plan de Lucha Contra Incendios Forestales que se llevaba desarrollando en desde principios del año 2.006, y que tan buenos resultados estaba dando
El lado oscuro de la gestión forestal 22-Junio-2007 Los grupos ecologistas plantan a ENCE. Organizaciones ecologistas de ámbito estatal, asturiano, gallego y local, entre ellas Greenpeace, no acudirán a una jornada sobre gestión forestal de plantaciones que organiza una filial del Grupo ENCE

Andecha Astur desixe a la papelera ENCE respetu pol mediu ambiente

Andecha Astur espera que la perda del Certificáu Forestal FSC obligue a camudar la estratexa depredaora d'ENCE. Les empreses Norfor y Silvasur, ambes del Grupu ENCE, pierden el certificáu FSC (Forest Stewardship Council - Conseyo d’Alministración Forestal), al non cumplir colos estándares establecíos

1-Julio-2008 Nota de Andecha Astur

La FSC (Forest Stewardship Council - Conseyo d’Alministración Forestal) ye una ferramienta de certificación pa meyorar la xestión forestal y garantizar la conservación de los bosques. Hai que remembrar que'l grupu ENCE, dedicáu a ellaborar pasta de papel con fibres d’ocalitu, acumula yá un llargu historial de conflictos mediuambientales y sociales. ENCE ye una empresa, como tantes, qu’especula colos recursos ñaturales nun respetando’l mediu que los rodea, sobro too la madera; nel so desendolque emplega procesos con productos altamente contaminantes ensin importa-y les consecuencies de la so actividá, tanto pal entornu comu pa la sociedá, mentes-y xeneren un beneficiu económicu.

Nun fai munchu qu'ENCE fue denunciá, poles obres d’ampliación de la fábrica que'l grupu tien en Navia, yá que nun cunten cola obligatoria declaración d’impautu ambiental favorable nin l’autorización ambiental integrada.

Nel casu de la empresa Norfor la suspesión xustifícase pol desconociemientu de recursos ambientales presentes nestos espacios protexíos y l’ausencia d’adaptación de la xestión forestal, a tales valores. Tampoco se da una correcha conservación de los suelos y diversidá nes plantaciones. Amás de que les rellaciones d’esta empresa cola sociedá, nun son les adecuaes.

Asina, dende Andecha Astur, desiximos al Grupu ENCE que, tome les medíes necesaries pa correxir les carencies identificaes polos auditores. Yá va siendo hora de qu’esta empresa, camude la so política de desendolque con respeutu al mediu ambiente, pero non nel papel, que ye cenciello, si non na praútica diaria de les sos actividaes.

Andecha Astur

Agregue esta noticia. Marcadores sociales