Artículos relacionados

El buque gasero Catalunya Spirit se queda a la deriva en las costas de Massachusset 13-Febrero-2008 El buque, de características similares a los que se utilizan para abastecer la regasificadora de El Ferrol o se utilizarán para la futura planta de Gijón, llevaba 93.000 toneladas de gas desde Trinidad Tobago hacia Bostón cuando quedó a la deriva por problemas en la computadora que gestiona sus motores, en las costas de Massachussets, frente al Cabo Cod
El grupo ecologista GREEN pide a los candidatos que se pronuncien sobre la planta regasificadora de Gijón Los ecologistas solicitan a los partidos políticos que se presentan en Asturias que se pronuncien sobre el tema de la planta regasificadora de Gijón. La instalación será uno de los proyectos industriales de mayor magnitud económica y de mayores impactos sociales y ambientales de los próximos cuatro años en Asturias; por lo que se demanda a los candidatos que expongan a los asturianos cual va a ser su política al respecto
Se presenta en Gijón la iniciativa ciudadana Regasificadora No! "Regasificadora No!" es una iniciativa ciudadana que aglutina a diversas organizaciones vecinales, ecologistas, sociales y políticas, cuyos objetivo prioritarios son: Denunciar el proyecto de instalación de una planta regasificadora en Gijón. Informar sobre los riesgos de las plantas de gas. Y demandar a las autoridades que se abra un debate en la sociedad sobre la necesidad de dicha instalación
Comienza la campaña de recogida de firmas contra la planta regasificadora de Gijón El viernes 18 se instaló una mesa informativa en Cuatro Caminos en el barrio de la Calzada de Gijón. Y el sábado 19 se instalará a medio dia otra mesa en la plaza de la Baragaña de Candás, coincidiendo con la celebración del rastro del pueblo. Los organizadores también estudian la posibilidad de instalar mesas informativas el domingo en el rastro y otros puntos de Gijón
Regasificadora de Gijón, una instalación con gobernantes de alto riesgo 9-Enero-2008 Si no hay población como afirma el Gobierno Español y si las regasificadoras son instalaciones "casi urbanas" como dijo el Consejero de Industria y Empleo ¿Qué plan de emergencia pueden esperar las más de 70.000 personas que habitan a menos de 5 km de la planta?. Artículo de A.R.Dosantos
Los ecologistas califican de "disparate" las declaraciones del Consejero de Industria que considera la regasificadora como una instalación compatible con el medio urbano 21-Octubre-2007 El responsable de Industria del Principado de Asturias, el socialista Sr. Graciano Torre, rechazó que la regasificadora sea una amenaza para la seguridad por la cercanía de El Musel a núcleos de población y afirmó que otras regasificadoras, como las de Barcelona y Cartagena, son casi instalaciones urbanas

El concejal de UNIDÁ - Andecha Carreño, presenta una moción contra la planta regasificadora

El día 13 de Febreru, el concejal de UNIDÁ-Andecha Carreño presentó una moción na Comisión de Mediu Ambiente del Ayuntamientu Carreño, oponiéndose al proyeutu d'istalación d'una Planta Regasificadora nel Puertu de Xixón

22-Febrero-2008 Nota de prensa de UNIDÁ - Andecha Carreño

Vídeo, rueda de prensa de presentación de la iniciativa Regasificadora No! realizada el jueves 24, en los locales de la Cultural Gijonesa

De momentu, na Comisión de Mediu Ambiente nengún grupu (escepto UNIDÁ-Andecha Carreño, que la rechaza totalmente y presenta la Moción) se posicionó sobre esti proyeutu, y van debatilo internamente dientro de cada organización política.

Esta Moción va debatise nel próximu plenu municipal que se va celebrar el próximu xueves, 28 de Febreru, y nella tolos grupos políticos van tener que posicionase con respeutu a esti proyeutu. Na Moción, danse 12 argumentos (que podríen ser más) en contra d'esta planta regasificadora, que podríen resumise en:

1. Non cumple cola distancia de seguridá a núcleos habitaos.
2. Va aumentar la contaminación.
3. De llevase a cabu, aumentase la posibilidá de desmontar l'Altu Aboño.
4. Non xenera puestos de trabayu acordies cola inversión (370 millones d'Euros pa crear 50 puestos de trabayu)
5. Nunca nadie reclamó la so necesidá.
6. L'aporte de Gas Natural p'Asturies ta garantizao pol gasoductu Bilbao-Ferrol.
7. L'impautu visual va ser importante dende la costa central asturiana.
8. Supón nueves amenaces a los caladeros y a la flota pesquera de Carreño.
9. Ye un riesgu constante tener barcos metaneros averaos a la costa.
10. Fadríanos más dependientes de les importaciones de terceros países, toos ellos con problemes d'estabilidá política.
11. L'apuesta pol gas como xenerador enerxéticu torga'l desarrollu d'enerxíes renovables, infinites y non contaminantes.
12. Esta planta regasificadora ta xenerando un movimientu social, ecoloxista, políticu y vecinal a la so escontra importante.

Dende UNIDÁ-Andecha Carreño reiteramos el nuesu frontal rechazu a la istalación d'esta Planta Regasificadora y a los planes Enerxéticos p'Asturies. Asturies ya esporta 2/3 de la enerxía que produz y el Plan Enerxéticu plantega siguir afondando en convertir Asturies na Pila Enerxética del Estáu, quedándonos cola contaminación y la degradación del paisaxe, xenerando mui pocos puestos de trabayu y apostando por una actividá mui poco rentable económicamente. Además, la planta regasificadora impulsa la istalación de 8 a 10 nueves centrales de ciclu combinao, de nueves llinies elleútriques pa sacar la electricidá a la Meseta que destruye zones con alto valos ambiental.

Escrito al alcalde presidente del Conceyu de Carreño:

Asuntu: Moción que se presenta pal so alderique y aprebación nel prósimu Plenu a cellebrar a fines de Febreru de 2008.

L'abaxo firmante, Conceyal d'UNIDÁ-Andecha Carreño d'esta Casa Conceyu, al amparu de los artículos 91.4 y 97.3 del Rial Decretu 2568/86 d'Organización, Furrulamientu y Réxime Xurídicu de les Corporaciones Llocales, tien l'honor de presentar la MOCIÓN que vien darréu pal so alderique y aprebación pol Plenu.

Esposición de motivos

El Plan Enerxéticu Estatal plantega la construcción nel Puertu d'El Musel d'una planta Regasificadora, pa convertir el gas llíquidu que vien en barcos metaneros a temperatura mui baxa en gas natural, pal so usu en Centrales Eléctriques de Ciclu Combinao.

Les plantes Regasificadores tan catalogaes como instalaciones mui peligroses, al ser el gas llicuao un productu mui inflamable, col que se pueden producise incendios accidentales (el gas llicuao ta considerao l'esplosivu más potente dempués de la bomba atómica).

Teniendo en cuenta que

1. El llugar onde va asitiase la planta regasificadora non cumple cola distancia de seguridá alredor d'estes instalaciones, que según los espertos tien que superar los tres kilómetros a cualquier nucleu habitáu. (la llexislación de 1977 del Estáu de California estableció una zona obligatoria de seguridá alredor de les terminales de GNL d'algo más de seis kilómetros). A corta distancia de la planta tenemos dellos núcleos de población como Xibares o Aboño en Carreño, además d'El Muselín, Xove, la Calzada y El Natahoyu. Amás, nos terrenos d'El Musel a menos de quinientos metros del futuru asitiamientu de la regasificadora alcuéntrense los depósitos de CLH, AGIP, Petróleos Asturianos y les bombones de Repsol Butanu, produciéndose un efeutu multiplicador en casu d'accidente.

2. La construcción d'esta planta Regasificadora va acompangao de la instalación de nueves Centrales de Ciclu Combinao, que van aumentar la contaminación de Carreño y d'Asturies, que ya figuren nos primeros puestos de contaminación atmosférica del Estáu. Además, Asturies ye un País que ya a día de güei produz más enerxía de la que consume (2/3 de la enerxía producida n'Asturies esportase a otros llugares), y les polítiques de desarrollu sostenible y el Protocolu de Kioto firmáu pol Gobiernu d'España falen de que la enerxía tien que producise cerca de los llugares de consumu, p'amenorgar los impautos del tresporte y les sos pérdides.

3. La construcción de la planta Regasificadora aumenta les posibilidaes de desmontar l'altu Aboño y d'asitiar nueva industria pesada y Ciclos Combinaos nesti llugar. L'Ayuntamientu Carreño ya se posicionó delles vegaes escontra'l proyeutu de desmonte del Altu Aboño.

4. La planta Regasificadora non xenera puestos de trabayu que xustifiquen la so instalación, teniendo en cuenta que pa una inversión estimada de 370 millones d'Euros (si non hai ampliaciones presupuestaries típiques d'estes obres), crearíense non más de 50 puestos de trabayu.

5. Nunca, nin les empreses nin el Gobiernu d'Asturies reclamaron la construcción d'una planta regasificadora, y solo se plantega esti proyeutu pa El Musel cuando por presión vecinal se rechaza una nueva regasificadora en Galicia.

6. L'aporte de gas natural p'Asturies ta garantizao gracies al gasoductu que va dende Bilbao hasta El Ferrol, y qu'anguaño ta duplicándose, asina como pol ramal que conecta con Lleón.

7. L'impautu visual de los grandes tanques d'almacenamientu (el tamañu de los alrodiu de diez tanques necesarios ye superior al de les Bombones de la Campa Torres) va ser importante dende la costa central asturiana, y n'especial dende Carreño.

8. L'actividá de la Regasificadora va suponer daños nel mediu marino y nos caladeros de pesca usaos pola flota de Carreño, pol aumentu del tráficu de grandes buques metaneros, pola necesidá d'aportar inxentes cantidaes d'agua marina p'aumentar la Temperatura del gas llicuao y pasalu a estáu gaseosu.

9. Ye un riesgu constante tener barcos metaneros averaos a la costa. Son una auténtica bomba flotante y por mor a les maniobres d'aproximación, atraque y descarga del gas suponen un riesgu entá más eleváu que la propia planta regasificadora. Enfrente la playa Xibares ta declarao pola Autoridá Portuaria d'El Musel como "zona de fondeamientu de barcos con mercancíes peligroses", polo que s'entiende que los barcos metaneros van esperar equí hasta qu'entren a Puertu.

10. Fadríanos más dependientes de les importaciones de terceros países, toos ellos con problemes d'estabilidá política. Asina, los principales abastecedores de gas al Estáu Español son: Arxelia col 45%, y en menor midía Nixeria, Qatar, Exipto, …, lo que da una idega del riesgu de depender d'esta fuente.

11. El desarrollu del usu de gas como base enerxética pal Estáu, poni más pilancos al futuru del carbón asturianu, que pasará a tener un papel testimonial na producción enerxética, representando agora solo un 30% del consumu d'Asturies. Por otru llau, los precios del gas tan subiendo al mesmu ritmu que los del petroleu, colo qu'esta dependencia del gas pa xenerar electricidá podría aumentar considerablemente la tarifa eléctrica. Amás, siguimos enfotaos en crear enerxía a partir de combustibles fósiles que son finitos, torgando'l desarrollu d'enerxíes renovables, infinites y non contaminantes.

12. El proyeutu de construcción d'esta planta regasificadora ta xenerando un movimientu social, ecoloxista, políticu y vecinal a la so escontra, que tien que ser tenío en cuenta polos políticos y poles alministraciones públiques.

Ello asina, UNIDÁ-Andecha Carreño somete pal so alderique y aprobación la MOCIÓN que vien darréu:

L'Ayuntamientu Carreño alcuerda:

1. Rechazar el proyéutu de'istalar una planta regasificadora nel Puertu del Musel.
2. Que se dea traslado d'esti alcuerdu a:
• Ministeriu de Mediu Ambiente
• Ministeriu d'Industria, Turismu y Comerciu.
• Autoridá Portuaria de Xixón
• Gobiernu del Principau d'Asturies

UNIDÁ - Andecha Carreño

Agregue esta noticia. Marcadores sociales

Temas
Regasificadora. Sección dedicada a la planta regasificadora proyectada para Gijón